Algunha vez preguntáchesche que sente ao ser un virus? Neste libro tes a oportunidade de vivilo en primeira persoa, xa que é un propio virus o que che conta a súa historia e como se enfronta a diario ás batallas inmunitarias do noso organismo. Con apenas vocabulario científico e cunha linguaxe ao alcance de todos, por fin poderás entender mellor de que é capaz o teu sistema inmunológico e canto sacrifica por ti.

Cada día hai millóns de infeccións, de decenas de virus distintos, que cambian a vida de moitas persoas. A maioría das persoas coñecen os seus efectos, pero pouco sobre que é o que fan no noso corpo para provocalos, e comprendelo pode dar un poder especial no noso día a día.

Este libro non é unha guía típica de sistema inmunitario, nin vas atopar un índice clásico dun libro de ciencia. Aquí é o virus o que conta a súa historia, desde que os humanos sabemos deles, pasando por como el fai o seu traballo día a día infectando células, e detallando, desde o campo de batalla, como é pelexar con aloucadas e sanguentas células do sistema inmunitario. Nárranos paso a paso o que se atopa na batalla, como un soldado que decide escribir un diario nos seus días de guerra para que o mundo coñeza como é estar aí.

O virus que redacta este libro non desvela a súa identidade ata o final, aínda que vai deixando pistas para os máis curiosos que quizais poidan intuír de que virus trátase. Neste final, describe aos seus amigos máis próximos, outros virus famosos no mundo enteiro que considera como os máis relevantes para o humano que está a ler ese libro como o VPH, Herpes, COVID, Gripe ou VIH (el é o VIH) e a súa batalla 'especial' co sistema inmunitario.

5º-6º Primaria