Unha magnífica novela histórica que nos levará de viaxe polas grandes cidades europeas de finais de século XIX.

O escritor don Guillermo Bogarín sorrí satisfeito ao pensar no selecto grupo que logrou reunir: mereceu a pena o traballo dedicado durante meses a preparar ese circuíto por Europa. Apenas quedan dous días para o 25 de setembro dese ano 1893 para que eses nove viaxeiros partan da estación de Lyon en París para percorrer, durante case dous meses, parte da Italia recentemente unificada, algúns territorios de Austria-Hungría e certos lugares das novas fronteiras do Imperio alemán. Son o arquitecto Jacobo Figueroa e o seu amigo, o ambicioso empresario Juan Álvarez-Caballero; o intransixente pintor impresionista Ferdinand Mercier, a súa boa amiga Jeanne Leroy, empresaria teatral de éxito tras a morte do seu marido, a quen acompaña o seu sobriño, o inconstante Henri Collet; a condesa rusa Karimova; a señora Dupont, propietaria xunto ao seu marido dunha editorial de música e promotora de novos talentos desta arte, e Clara Balaguer, virtuosa violinista e unha das súas representadas.

Don Guillermo coñece ben os motivos que o levan a abandonar París durante un tempo, pero non pensou en que os demais tamén teñen os seus, que se apartan, e moito, do simple pracer de evadirse. Non tardará en decatarse da peor das maneiras, pois unha columna de ecos de sociedade de Lle Petit Journal empezará a desvelar os segredos máis íntimos do grupo.

Coa convulsa Europa de fin de siècle, onde se achan as claves que ocasionaron as dúas guerras mundiais como pano de fondo, María Reig constrúe con mestría unha novela histórica que, coa escusa da viaxe recreativa tan habitual nas clases podentes de finais do século XIX, fala da necesidade de enfrontarnos aos nosos medos e tomar as rendas da vida.

Adultos/as