En Crozon (Bretaña), unha bibliotecaria decide albergar todos os manuscritos que foron rexeitados polas editoriais. Estando de vacacións na cidade bretona, unha nova editora e o seu marido escritor visitan a biblioteca de libros rexeitados e atopan nela unha obra mestra: As últimas horas dunha historia de amor, unha novela escrita por un tal Henri Pick, falecido dous anos antes.

Pick rexentaba unha pizzería coa súa viúva Madeleine e, segundo ela, nunca leu un só libro, e moito menos escribiu outra cousa que non fose unha lista da compra. Tiña o autor unha vida secreta?

Rodeado dun gran misterio, o libro triunfa nas librarías, provoca efectos sorprendentes no mundo editorial e cambia o destino de moitas persoas, especialmente o de Jean-Michel Rouche, un xornalista teimoso que dubida da versión oficial dos feitos.

Adultos/as