Un luns á mañanciña, o gran Protestón aparca a súa furgoneta diante dunha casa coqueta. Trae consigo un paquetito, un paquetito cun lazo bonito. O gran Protestón toca ao timbre, aínda que non o suficientemente forte: ninguén o oe, é evidente. Pasan os minutos e, entón, empeza a chover a cachón. Que perigo! A paciencia non é, precisamente, unha das virtudes do noso amigo Protestón e, se se enfada, pode causar unha enorme devastación!

Un álbumilustrado cun simpático monstro que representa a impaciencia, que crece, dispárase e acaba sendo destrutiva. Nun mundo no que pequenos e grandes vivimos a unha velocidade frenética e afeitos á inmediatez, esta divertida historia lémbranos que esperar pode traernos sorpresas e encontros inesperados e que cada persoa fai as cousas ao seu ritmo.

Un conto que divertirá e encandeará a nenos e adultos por igual.

4º-5º-6º Educación Infantil

1º-2º Primaria