Con rimas divertidas e tenras, a autora recrea un paseo por un barrio moi especial. En leste viven vinte familias nas súas vinte casiñas, á cal máis colorida e orixinal. “O Barrio de Cores” lémbranos que o normal é ser diferente, e introduce coa sutileza dos seus poemas, conceptos que conseguen espertar a curiosidade e a capacidade de reflexión deses pequenos lectores que van cambiar o mundo. O que máis chama a atención é a sinxeleza do concepto, tanto nos textos como nas ilustracións, que definen ao conto cun estilo fresco, sinxelo e cheo de sentido. “O Barrio de Cores” non é só un conto, é un gran proxecto con base solidaria, apoiado por materiais complementarios para casa, propostas de Unidades Didácticas para os colexios e unha gran ilusión e ambición por parte do equipo creativo e a Editorial. Co paso dos anos estamos a ser testemuñas do avance social para a resposta fronte ao diverso, e grazas a iso atopamos gran cantidade de materiais que, como “O Barrio de Cores”, loitan pola normalización traballando cos nenos valores como o respecto e o amor. Este libro infantil está recomendado para nenos a partir dos 3 anos.

1º-2º Primaria